PANIMULANG PAGSUSULIT Unawaing mabuti at sagutin ang bawat tanong. Piliin ang letra ng tamang sagot at isulat ito sa iyong sagutang papel o kuwaderno. 1. Aling antas ng pamahalaan ang namamahala sa buong bansa? A. Lokal B. Pambansa C. Panlalawigan D. Rehiyonal 2. Ano ang tatlong sangay ng pamahalaan ng Pilipinas? A. Demokrasya, monarkiya, at aristokrasya B. Lehislatura, ehekutibo, at hudikatura C. Pambansa, rehiyonal, at lokal D. Pangulo, pangalawang pangulo, at kalihim 3. Bakit mahalaga ang check and balance sa tatlong sangay ng pamahalaan? A. upang magbigay ng papuri sa mga namumuno sa bawat sangay B. upang mapagtibay ang mabuting pakikipag-ugnayan ng bawat sangay C. upang mapigilan ang pang-aabuso sa kapangyarihan ng bawat sangay D. upang matulungan sa pagtupad ng mga tungkulin ang bawat sangay 4. Alin sa sumusunod ang naglalarawan sa lokal na pamahalaan? A. Nagbibigay ng proteksiyon sa buong bansa laban sa banta ng karahasan. B. Nagtatakda ng badyet at pananalapi ng bansa. C. Nakatuon sa kaganapan sa mga lalawigan, lungsod, at bayan. D. Nangunguna sa pakikipag-ugnayan sa ibang bansa.​